Ukraina prezidenti Petro Poroşenko qısmiy demobilizatsiya aqqında buyruqnı imzaladı. Bunı devlet yolbaşçısı cuma künü, iyün 12-de, Twitterde yazdı.
№328 / 2015 buyruğına binaen, 2015 senesi iyül-sentâbr aylarında 2014 senesi 21 iyül buyruğı esasında askerlikke çağırılğan arbiyler arbiy hızmetten boşatılacaq.
Demobilizatsiya çerçivesinde askerlikten boşatılğan arbiyler yaşağan yerlerine ketirilecek, urba ve aşnen temin etilecek.
2015 senesi mart 18-den mayıs 1-ge qadar 2014 senesi mart 17 buyruğı esasında askerlikke alınğan arbiyler arbiy hızmetten boşatılğan edi.
Poroşenko Yuqarı Radada er yıllıq muracaat ile çıqışta bulunıp, Ukraina şarqındaki zıddiyet alanında tahminen 50 000 ukrain arbiyi bulunğanını qayd etti.
