Qırımda olğan özek obyektleri, tertibat ve malzemeler Ukrainanıñ mal-mülki ola. Bu aqqında Ukraina tış işler nazirliginiñ beyanatında aytıla.
«Olarnıñ uquqiy statusı, işletüv, qullanuv ve hızmet tertibini Ukraina qanunları, em de 1995 senesi sentâbr 21-de Ukraina ve MAGATE (Atom energiyası boyunca halqara agentlik – muar.) arasında tizilgen özek silâsını tarqatmamaq añlaşması ve 2000 senesi avgust 15-ke ait ilâve protokolı belgiley», – dep haber ete hızmet.
Rusiye Tış işler nazirligi bildirdi ki, Moskva «yañı subyektlerde yerleşken özek obyektlerinden bütün mesüliyetini boyununa alıp», olarnı «yalıñız barışıq maqsatlarda» qullanacaq.
Ukraina tarafı buña «yañlış mevam» dep ayttı. Ukraina Tış işler nazirligi bildire ki, Rusiye diplomatları farqlı halqara teşkilâtlarda bulunmasını Qırım ve Aqyar işğalini qanunlaştırmaq içün qullanalar.
Rusiye akimiyetiniñ bildirgeninekore, Moskva Qırımda özek silâsını yerleştire bile, çünki bu artıq «Rusiyeniñ bir qısmı».
Afta başında, iyün 8-de, Rusiye MAGATE 2014 senesi içün esabat leyhasınıñ bütün maddelerini red etkenini bildirdi, çünki anda Aqyar Ukrainanıñ toprağı olaraq qayd etildi.
Keçken sene mart ayında Ukraina, halqara toplulıq tanımağan referendum neticesinde Rusiye Qırımnı işğal etken edi.
