Ukrainada Ukraina havfsızlığı hızmetiniñ (SBU) yolbaşçısı Valentin Nalivayçenko qabarcılıq ile küreş bölükleriniñ bütün yolbaşçılarını işten boşattı. Bunı Nalivayçenko cuma künü, iyün 12-de, qabarcılıq ile küreş meseleleri boyunca keçirilgen tögerek masada bildirdi.
Onıñ aytqanına köre, bunıñnen bağlı buyruqlarnı o iyün 12-de imzaladı.
Ukraina havfsızlığı hızmetiniñ yolbaşçısı bildirdi ki, tezden Rovno vilâyetinde SBU idaresiniñ reberligi qabarcılıqtan sebep işten boşatılacaq. Keçken sene oktâbr ayında halq deputatları «Qabarcılıqnı toqtatuv» qanunını qabul ettiler. İşbu qanun qabarcılıq ile küreşken vekâletli organlarnı belgiley. Prokuratura, içki işler nazirligi, Ukrainanıñ Qabarcılıq ile küreş milliy bürosı, Qabarcılıq ile küreş milliy agentligi bu meselelerni baqmaq kerek.
