Link açıqlığı

Saatnıñ esas haberi

Poloniya NATOğa alyansqa balkan memleketlerini davet etmege teklif etecek ola


Poloniya 2016 senesi keçirilmesi planlaştırılğan Varşavadaki sammitte NATOğa alyansqa balkan devletlerini davet etmege teklif etecek ola.

Bunı Poloniya mudafaa naziri Tomasz Siemoniak bildirdi, dep haber ete Poloniyanıñ Wyborcza gazetası.

Nazirniñ aytqanına köre, soñki yılları Poloniya Avropadan tış zıddiyetlerge diqqat ete edi.

«Balkanlarda yıllar devamında politsiya ve askerlerimiz hızmet etken tek Kosovada problemler degil. Balkanlar Avropadaki istiqrarsızlıqnıñ ocağı ola bile. Biz Bosna Hersek içün de qasevetlenemiz, Rusiyeniñ menfaatları daa bar. Mence, Çernogoriya ve Makedoniyanıñ NATO azası olmaq isteklerine emiyet bermek kerek, em de Sırbıstannıñ avropalı ıntıluvlarını qarşılamaq kerek», – dedi o.

Nazirniñ qayd etkenine köre, NATOğa qoşulmaq davetini Gürcistan ve Moldova da ala bileler, böylece olarnıñ havfsızlığı da eyiliştirilecektir.

NATO baş kâtibi Jens Stoltenberg bildirdi ki, Ğarp blokqa kirmegen ortaqlarğa Rusiye tarafından olğan telükelerge yol bermemege yardım etmek kerek.

XS
SM
MD
LG