Link açıqlığı

Saatnıñ esas haberi

Çubarov qırımtatarlarnıñ vaziyetini AQŞ devlet kâtibiniñ muavini ile muzakere etti


Refat Çubarov
Refat Çubarov

Qırımtatar Milliy Meclisiniñ reisi Refat Çubarov bildirdi ki, cuma künü, iyün 12-de, Kiyevde onıñ AQŞ devlet kâtibiniñ demokratiya, insan aqları ve emek boyunca muavini Rob Berschinski ile körüşüvi olıp keçti.

Çubarovnıñ Facebook saifesinde bildirgenine köre, körüşüvde «işğal etilgen Qırımda qırımtatarlarnıñ vaziyeti muzakere etildi».

«Malüm olğanı kibi, AQŞ ükümeti işğal etilgen Qırımda insan aqlarınıñ bozulmasını nezaret etti. Vaqıt kelir ve monitoringniñ neticeleri işğal etilgen Qırımda Rusiye ve onıñ tarafdarlarına nisbeten Halqara mahkeme qararınıñ esası olacaq», – dep yazdı o.

Çubarovnıñ bildirgenine köre, AQŞ devlet kâtibiniñ muavinine Qırımtatar Milliy Meclisiniñ reis muavini Ahtem Çiygoz, em de Qırımda apiske alınğan ve al-azırda SİZOda bulunğan diger semetdeşler – Ali Asanov, Eskender Nebiyev, Mustafa Degermencini azat ettirmek içün yapılacaq areketler teklif etildi.

Аhtem Çiygozoznı 2015 senesi yanvar ayında 2014 senesi fevral 26 künü «kütleviy çatışmalarnıñ teşkil etilmesi ve iştirak etmesinde» şeklep, taqiqat çerçivesinde yaqaladılar.

Çiygoznı 2015 senesi fevral 19-ğa qadar apiske aldılar, soñra da bu müddetni mayıs 19-ğa qadar arttırdılar. Mayıs 15 künü mahkemeniñ nevbetteki toplaşuvında apis müddetini iyül 29-na qadar uzattılar.

Ukraina Baş prokuraturası yanındaki QMC prokuraturası Çiygoznıñ qanunsız yaqalanuvı boyunca cinaiy işni açtı.

XS
SM
MD
LG