Link açıqlığı

Kiyevniñ Peçersk rayon mahkemesi iyün 12 künü Ukrainada yaqalanğan sabıq deputat Vasiliy Ganış imayesiniñ şefaatını baqacaqtır. Bunı Qırım.Aqiqat mühbirine Ganışnıñ adliyecisi Andrey Rudenko bildire.

«Ganışqa ceza qararı berilgeninden 30 kün keçkeninden soñ şefaatnı berdik. Menimce, müşterim tevqiften sağlıq alı ve diger sebeplerge binayen azat etilmeli», – dey Rudenko.

Toplaşuv saat 11:00 başlanmaq kerek.

Qırım.Aqiqat bildirgeni kibi, Kiyevniñ Peçersk rayon mahkemesi devlet hainliginde şeklengen sabıq Qırım deputatı Vasiliy Ganışnıñ cezasını belgiledi – eki aylıq apis cezası. Ganış iyün 25 kününe qadar apiste oturacaq

Aprel 28-de Ukraina havfsızlıq hızmeti Ukraina Devlet sıñır hızmeti ile beraber onı Qırım çıkışında yaqaladılar. Ganış apiske alındı, çünki onı qıdıra ediler. Baş prokuratura onı devlet hainliginde şekley. Ukraina taqiqatçılarınıñ malümatına köre, Ganış Qırım statusı aqqında «referendum» keçirilmesine rey bergenlerden biri edi, ve böyle etip Ukraina topraq bütünligine zarar ketirmege tırıştı.

XS
SM
MD
LG