Rusiye Kününe bağışlanğan «kozaklarnıñ atlı yürüşi» sebebinden Aqyar merkezinde iyün 12-de areket qısmen sıñırlanacaq, haber ete Aqyar rusiyeli ükümetiniñ matbuat hızmeti.
Müessiseniñ malümatına köre, sabadan areket Sapun-Gora tarafından Suvorova meydanında qadar qapaldı. Kolonnanıñ yürüşi ile areket ğayrıdan tiklenecek.
«Şeer boyunca areket naqliyatnıñ er bir çeşiti içün, cemaat naqliyatından ğayrı, 9:00-11:00 saatleri arasında qapalı olacaq», – denile beyanatta.
Cuma künü saat 11:00den Uşakov meydanı ve 4-ünci Bastionnaya soqağında da areket qapalı olacaq.
Aqyar ükümetiniñ saytında aşkâr etilgen tedbirler programmasında yazılğanı kibi, cuma künü şeerde saat 10-da Nahimov meydanında 1941-1942 seneleri Aqyarnıñ Qaramaniy mudafaası abidesine gülçemberlerni qoyuv tedbiri keçer. «Rusiye! Rus! Ulu ülke!» haber-muzıkalı programması, aqşam – «Rusiye – Vatanım» kontserti keçirilecektir.
1992 senesi iyün 12 künü Rusiye Federatsiyasınıñ halq deputatları Devlet mustaqilligi aqta Beyannameni qabul ettiler.
1992 senesi iyün 11-de Rusiye Federatsiyasınıñ Yuqarı Şurası iyün 12 kününi bayramlar sırasına kirsеtti.
