Link açıqlığı

Rusiyeniñ Qırımğa nisbeten etken areketleri cinaiydir, – dedi AQŞ BMT daimiy temsilcisi Samantha Power Kiyevde iyün 11 künü çıqışta bulunıp, haber ete Qırım.Aqiqat mühbiri. O şunı da qoştı ki, BMT Qırımda insan aqlarınıñ bozuluvını ep vesiqa şeklinde qayd etmektedir.

«Qırım aqqında iç bir vaqıt unutmamız», – qayd etti AQŞ BMT daimiy temsilcisi.

Rusiyege nisbeten AQŞ cezaları «olduqça qattı olmağanı» aqta sualge cevap berip, Samantha Power AQŞ cezalar vastasınen Minsk añlaşmalarına riayet etilmesini talap etkenini bildirdi. Aytqanı kibi, Rusiye olarnı «insafsız» amelge keçirse de, Ukraina şarqında nisbiy tınçlıq pekitilgendir.

«Sual cezalarnıñ qattı olmağanında degil, olar Putinni planlarını deñiştirmege mecbur etmegeni – sualdir», – dedi Samantha Power .

Halqara toplulıq 2014 senesi Qırım işğal etilgeninden soñ Rusiyege qarşı cezalarnı kirsetti. Rusiyege qarşı cezalarnı AQŞ, AB, Avstraliya, İsveçre kirsetken.

XS
SM
MD
LG