Rusiye prezidenti Vladimir Putin Qırım prokurorı Natalya Poklonskayağa adliyeniñ üçünci derece keñeşçisi unvanını berdi.
Qırım.Aqiqat bildirgeni kibi, bu aqta iyün 11 künü, cumaaqşamı, Rusiye prezidenti Vladimir Putin tarafından imzalanılğan emir metninde aytıla.
Evel Qırımnıñ şimdiki başı Sergey Aksenov Qırım prokurorı Natalya Poklonskaya «öz zenaat alışqanlıqları ve büyük neticelerge irişmek ıntıluvı sayesinde mıtlaqa general unvanını qazanacağı aqta» aytqan edi.
«O adliye ilimler namzetini elde etmek istey. Menimce, general olmaq kerektir, başqa çare yoq. Natalya – Qırım yüzü, oña bar küçümiz ile yardım etecekmiz», – dedi Aksönov.
Qırım prokurorlarınıñ yıl keliri aqta vesiqada qayd etilgeni kibi, Qırımnıñ rusiyeli prokuraturasınıñ başı Natalya Poklonskaya 2014 senesi 1,93 mln ruble qazandı.
