Ukraina prezidentiniñ Qırımtatar halqınıñ işlerinden vekâletlisi Mustafa Cemilevniñ ofisinde endi üç kündir Maydanda açlıq tutqan qırımlı Server Abibulayev meseleleri ile oğraşalar. Mında erkek teklif etilgen yardımğa razı olmаğanını da qayd eteler.
«Erkekke yardım etmek içün bir sıra cemaat teşkilâtları, devlet strukturaları, şu cümleden Ukraina prezidenti memuriyetiniñ Regional siyaset departamenti, Kiyev içtimaiy siyayet hayriye teşkilâtı, Kiyevniñ içtimaiy alışuv merkezi, «Stefaniya» Hayriye teşkilâtları isse qoştılar. Amma vatandaş Abibulayev yardımnı elde etmege istemey ve oña Kiyevde bedava yaşav izniniñ ve meskenniñ berilmesini tapal ete», – deyler matbuat hızmetinde.
Müessiseniñ malümatına köre, erkek şimdi Qırımğa qaytacağını tüşünmey, probemlerniñ al etilmesi ise Qırımda yaşağan ailesi ile munasebetniñ tertipleşmesine bağlı.
Qırım.Aqiqat bildirgeni kibi, Kiyevde afta devamında 56 yaşında qırımtatarı, mecburen köçip kelgen Server Abibulayev «akimiyetniñ nizamsızlığına» qarşı açlıq tuta. Er kişi Euromaydan faali olğanını ayta. O, Rusiye Qırımnı işğal etken soñ ketti, amma şimdi ne yaşaycaq yeri, ne de aşaycaq şeyi bar.
Ukraina prezidentiniñ Qırımtatar halqı işlerinden vekâletlisiniñ ofisinde hızmet bu vaziyetni nezaret ete ve qırımlığa yardım etmege azır, dep bildirdiler.
