Hersonda qırımtatarlarnıñ din-medeniyet merkezini açtılar ve bedava qırımtatar derslerini teşkil ettiler.
Teşkilâtçısı «Qırımtatar cemiyeti» cemaat teşkilâtınıñ Herson temsilciligi ola.
Teşkilâtçılar er kesni davet eteler. Dersler aftada eki kere – çarşenbe ve cuma künleri aqşam yerli din-medeniyet merkezinde keçirile.
«Bir qaç ders keçti. Qırımtatarlar kele – qadın, genç, balalar. Balalar daa çoq olsa, olarnı sınıflarğa bölecekmiz», – dep ayttı oca, Qırımdan köçip kelgen Nadir Selimov Qırım.Aqiqat saytına.
Din-medeniyet merkezinde arapça dersleri de açıldı. İleride türkçe ve Quran kurslarını açmağa, medeniy ve tasil tedbirlerini keçirmege planlaştıralar.
