Link açıqlığı

Qırım akimiyeti Kiyevde açlıq tutqan qırımlını «Rusiyeniñ çoq milletli qorantasına qaytmağa» çağıra


Qırımnıñ Rusiye akimiyeti Kiyevdeki Maydanda açlıq tutqan qırımlığa yardım etmege azır. Açlıq tutqan insannı yarımadağa qaytmağa çağıralar.

Bunı Qırım baş naziriniñ muavini Ruslan Balbek RİA Novosti Rusiye agentligine bildirdi.

«Bu insannıñ taqdiri bizni lâqayt qaldırmay, biz onı Qırımda bekleymiz ve yaşayış şaraitlerini qurmağa azırmız, çünki Rusiyeli Qırım içün devletten tış olğan er bir qırımtatarı Qırımnıñ dostane ve, tabiiy ki, Rusiyeniñ çoq milletli qorantasınıñ bir parçası ola», – dedi Balbek.

Qırım.Aqiqat bildirgeni kibi, Kiyevde afta devamında 56 yaşında qırımtatarı, mecburen köçip kelgen Server Abibulayev «akimiyetniñ nizamsızlığına» qarşı açlıq tuta. Er kişi Euromaydan faali olğanını ayta. O, Rusiye Qırımnı işğal etken soñ ketti, amma şimdi ne yaşaycaq yeri, ne de aşaycaq şeyi bar.

Ukraina prezidentiniñ Qırımtatar halqı işlerinden vekâletlisiniñ ofisinde hızmet bu vaziyetni nezaret ete ve qırımlığa yardım etmege azır, dep bildirdiler.

XS
SM
MD
LG