Ukraina prezidenti Petro Poroşenko iyün 11-de Donetsk vilâyetinde iş ziyareti ile buluna, dep haber ete devlet yolbaşçısınıñ matbuat hızmeti.
Eki afta evelsi Poroşenko Donbassqa barğan edi – mayıs 29-da anda edi. O, Slavânsktaki soñki çañ bayramında iştirak etti, Kramatorsknıñ ağır tezya qurucılığı zavodınıñ hadimleri ile subetleşti, em de Lugansk vilâyetiniñ Sçastye şeerinde Rusiye Silâlı quvetleri Baş ştabınıñ Baş istihbarat idaresiniñ hadimlerini yaqalağan ukrain arbiylerini mukâfatladı.
İyün 5-te Kiyevde olıp keçken matbuat konferentsiyasında Ukraina prezidenti Donetsk vilâyetiniñ arbiy-vatandaş memuriyetiniñ yolbaşçısı Aleksandr Kihtenkonıñ işinden memnün olmağanını bildirdi. Poroşenko bu vilâyette silânı gizlegen yerlerniñ qurucılığı alçaq seviyede olğanını qayd etti.
