Link açıqlığı

Rusiyede Moskva şeeriniñ mahkemesi ukrain uçucısı Nadejda Savçenkonıñ apis müddetini sentâbr 30-ğa qadar uzattı.

Mahkemeci Pavel Melehin taqiqatçınıñ Savçenkonı iş malümatları ile tanış olğanına qadar apiste qaldırmaq muracaatını qabul etti.

Moskvanıñ Basman mahkemesi Savçenkonıñ apis müddetini iyün 30-ğa qadar arttırğan edi.

Mayıs ayınıñ soñunda Taqiqat komiteti işniñ ilk taqiqatı soñuna yetkenini bildirdi. Bu afta Savçenko işini ögrenmege başladı. Buña bir buçuq ay kete bile.

Soñra işni prokuratura ve mahkemege berecekler.

Savçenko onıñ işini Moskvada mahkemeciler olmağanlar baqmasını istey. O, qabaatını tanımay ve apiste qanunsız alda tutılğanını tüşüne.

Nadejda Savçenko keçken seneniñ iyül ayından itibaren Rusiye apishanesinde buluna. O, qabaatını red etip, separatistler tarafından esir alınğanını ve Ukrainadan Rusiyege qanunsız alda çıqarılğanını bildire. Ukrain arbiyi eki kere açlıqnı ilân etken edi.

XS
SM
MD
LG