Link açıqlığı

Ukrainada köçip kelgenlerniñ biznes ğayelerini ömürge keçirmek içün «Yañı esabat» programması başladı. Teşebbüs çerçivesinde köçip kelgenlerni biznesni alıp barmağa ögretecekler, programma soñunda Kiyevde 1 million grivnalıq yardımnı alacaq 20 biznes ğayesini saylaycaqlar.

Leyhanı qıtaiy Ukrainada köçip kelgenlerge yardım etken «Qırım diasporası» cemaat teşkilâtı taqdim etecek.

Bunı «Qırım diasporasınıñ» idare reisi Anatoliy Zasoba Kiyevdeki matbuat konferentsiyasında bildirdi, dep haber ete Qırım.Aqiqat.

«Leyha sekiz ay devam etecek, bir sıra teşebbüs ömürge keçirilecek, olarnıñ çerçivesinde eñ esası – Kiyev ve Kiyev vilâyetine köçip kelgenlerge biznes işine başlamaq içün biznes grantlarınıñ berilmesidir. Million grivna biznes teşebbüsleri arasında paylaşacaq ve 10-dan 100 biñge qadar grivnalıq grantlar köçip kelgenlerniñ biznes teşebbüslerine berilecek», – dep ayttı Zasoba.

Grant namzetleri arasına kirmek içün Kiyev ve vilâyetke köçip kelgenler iyün 25-ke qadar OO «Qırım diasporasına» ariza bermek kerekler, bundan soñra teşkiliy komitet iştirakçilerni saylaycaq, eki ay devamında ders alacaq tahminen 100 insan qabul etilecektir.

«Tasil programmasına uquq mesleatları kirsetildi: biznesni nasıl resmiyleştirmek, nasıl bir şekilni saylamaq, muasebe mesleatları – angi bergi tölevni saylamaq ve biznes planını nasıl yazmaq. Bizge çoqtan ve muvafaqiyet ile biznesnen oğraşqan adamlar davet etildi», – dep ayttı uquqçı Natalya Babenko.

Programmanıñ soñunda koip kelgenler öz biznes planını yazıp, grantnı qazana bileler. Yigirmi leyha 2016 senesiniñ yanvar ayına qadar maliye, mesleat, uquq yardımını körecek, dep ayttılar matbuat konferentsiyasında.

2014 senesi mart ayında Rusiyeniñ Qırım işğalinden sebep bir çoq insan yarımadadan qıtaiy Ukrainağa köçip keldi. Ukraina fevqulâde vaziyetler devlet hızmetiniñ malümatına köre, mayıs 11-ge qadar Qırım Muhtar Cumhuriyeti ve Aqyar şeerinden Ukrainanıñ diger regionlarına 20 biñ 593 insan köçip keldi.

XS
SM
MD
LG