Aqmescitte Rusiye Kününe bağışlanğan tedbirlerniñ keçirileceginden sebep iyün 12 künü şeer merkezinde naqliyat areketi sıñırlanacaq.
Bu aqta Aqmescitniñ şeer memuriyeti saytında bildirile.
«15:00-23:00 saatleri arasında Sovetskaya meydanından Gogolâ soq./Kirova caddesine qadar marşrutka, trolleybus ve maşinalarnıñ areketi sıñırlanacaq», – denile beyanatta.
İşbu soqaqlarnıñ qapatıluvı vaqtında cemaat naqliyatınıñ areketi Proletarskaya, Kavkazskaya, Karaimskaya soqaqlarından keçecek, deyler şeer memuriyetinde.
Rusiye Künü ya da Rusiye devlet mustaqilligi aqta Beyannameniñ qabul etüv künü iyün 12-de qayd etile. Qırım işbu künni Rusiye yarımadanı işğal etkeninden soñ, yani 2014 senesinden qayd ete.
