Link açıqlığı

Saatnıñ esas haberi

Qırımnıñ şimdiki başı Sergey Aksönov aytqanı kibi, ğarp memleketleri, Qırımğa qarşı cezalarnı uzattırıp, «ziyankârlıq» yapa ve bunıñ ile «büyük bir hata ete». Bunı Aksenov salı künü, iyün 9-da, brifing devamında bildirdi, haber etti Qırım.Aqiqat.

«Fikrime köre, ğarbiy memleketler, Rusiye ve Qırımğa qarşı cezalarnı uzattırıp, hata yapalar. Çoq şeyni ğayıp ete, amma ziyankârlıq sebebinden memleketimizge zarar ketirmege isteyler. Prezidentimizniñ mevamını begenmeyler. Bizge qarşı yapacaqlarını yaptılar. Beteri olmaz», – dey Aksenov.

O şunı qayd etti ki, cezalar senesi «qırımlılаrnı daa da küçlü etti».

2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

Bundan soñra AQŞ ve Avropa Birligi Rusiyege qarşı bir sıra iqtisadiy cezalarnı kirsettiler. Ğarp Qırım Ukraina olğanını ayta.

XS
SM
MD
LG