Ukraina İçki İşler Nazirligi bildireni kibi, Kiyev vilâyeti Vasilkovskiy rayonında yermay bazasında olğan yanğından sebep insanlarnı tahliye etmege başladılar.
Beyanatqa köre, söz Krâçki ve Kobtsı köylerinde yaşağan sakinler aqqında kete.
Nazirlikniñ malümatına binayen, yanğın neticesinde bir insan elâk oldı, 14 – zarar kördi. Olardan yedisi – Fevqulâde işler boyunca devlet hızmetiniñ hadimleridir.
Kiyev vilâyeti Vasilkovskiy rayonı civarında yermay bazasında iyün 8 künü üyleden soñ yanğın yüz berdi. Qurtarıcılar gece zamanı devamında ateşni toqtatıp olamadılar. Saba, iyün 9 künü, yanğın yerinde patlav yüz berdi.
Fevqulâde işler boyunca devlet hızmeti bildirgeni kibi, salı künü saat 11:00-ge üç qurtarıcı ile bağ qurıp olamadılar. Ukraina İçki işler Nazirliginde iyün 8 künü yermay bazasınıñ dört hadimi zarar kördi, biri hastahanede elâk oldı.
Yanğın sebepleri arasında – yermay mahsulatınıñ saqlav qaideleriniñ bozuluvı, eñkastan ateşke berüvni belgileyler.
