Link açıqlığı

Qırım prokuraturası Cemilevni qarşılağan daa üç faalniñ qabaatını tasdıqladı


2014 senesi mayıs 3-te qırımtatarlar Cemilevni qarşılaylar

Qırımnıñ Rusiye prokuraturası yarımadada akimiyet vekiline qarşı küç qallanmasında qabaatlanğan üç faalniñ cinaiy işi boyunca qabaatını tasdıqladı. 2014 senesi mayıs 3-te Qırım kirişinde qırımtatarlarnıñ milliy lideri Mustafa Cemilevni qarşılav aktsiyası aqqında laf kete.

Qırım prokuraturasınıñ haberinde aytıla ki, taqiqat malümatına köre, 2014 senesi mayıs 3-te «Armânsk» («Turetskiy Val») kiriş noqtası rayonında qabaatlanğanlar «Berkut» militsiya batalyonınıñ №1 operativ taqımınıñ (Kezlev ş.) №1 bölüginiñ militsiya hadimlerine beden zarar ketirdiler.

Cinaiy işler Ermeni Bazar şeeriniñ mahkemesine yollandı.

2014 senesi mayıs 3-te Mustafa Cemilevni Armânsk nezaret-kiriş noqtasında Qırımğa kirsetmediler. Biñlernen qırımtatarı liderni qarşılamağa keldi. Mında OMON, Qırımnıñ «samooborona» vekilleri de silâ ile keldiler.

Bundan soñra Qırımda aktsiyanıñ iştirakçilerini yaqalamağa başladılar. «Mayıs 3 işi» boyunca 5 kişi apiske alınğan edi.

XS
SM
MD
LG