Qırımnıñ Rusiye yolbaşçısı Sergey Aksenov memurlarğa özüne bayram mukâfatlarını yazıp bermege yasaq etti.
Bunı o Qırımnıñ Rusiye Nazirler şurasınıñ toplaşuvında iyün 9-da bildirdi, dep haber ete Qırım.Aqiqat.
Aksenovnıñ aytqanına köre, bazı devlet hızmetçileri işdeşlerine aylıqnıñ 150% miqdarında mukâfat bermege rica etken ediler.
«Böyle bir şey birinci sefer eşitem, bayram arfesinde mukâfat ne demek – başqa bir memleketten aldıñız, ğaliba. Vazifeni becergeni içün – ebet, belli saat ve künlerden ziyade çalıştıñızmı – yazıñız... Bayram mukâfatını yazmaq – marazm», – dep ayttı o toplaşuvda.
Bundan evel Aksenov memurlardan kefiyetli iş yapmalarını istedi, yoqsa işten boşatmağa vade ete.
Rusiye Federatsiyasınıñ ükümeti Qırım memurları aylıqlarınıñ arttırılmasını muzakere ete.
