Poloniyanıñ Gdansk şeerinde raatlıq künleri qırımtatar medeniyeti ve sanatınıñ festivali olıp keçti.
Festivalniñ teşkilâtçıları bergen malümatına köre, böyle bir tedbir Poloniyada ilk sefer ötkerildi. Yerli sakinler qırımtatar halqınıñ medeniyeti ve sanatı ile tanış oldılar.
Tedbirler Gdanskniñ bağçasında keçirildi, qırımtatar yırcıları çıqışta bulundı, milliy oyunlar oynaldı, çolmek ve quyum işler numayış etildi.
Tedbirni «Qırım fondu» teşkil etti. Festival Poloniya Cumhuriyeti Ukraina Elçihanesi ve Poloniya Cumhuriyeti Türkiye Elçihanesinini yolbaşçılığında Qırımtatar Milliy Meclisi ve Gdansk şeeri Oruna rayonınıñ vatandaş teşebbüsleri teşkilâtınıñ qoltutuvı ile keçirilecektir.
Gdansk soqaqlarını qırımtatar bayraqları ile kezdiler.
Qırım.Aqiqat bildirgeni kibi, iyün 3-te Kiyevde flash mob olıp keçti. Onıñ maqsadı – qırımlılar ile birdemlik köstermek içün Ukrainanıñ şeerlerinden qırımtatar bayrağını keçirmek. Qırımtatar bayrağını Ukrainanıñ 14 şeerinden keçirip, iyün 26-da yarımadağa ketirmek kerekler. Rusiye akimiyeti qırımtatar milliy bayrağınıñ künü ile bağlı bir de bir tedbirlerniñ keçirilmesini yasaq etti.
