Türkiye prezidenti Recep Tayip Erdoğan memlekette «istiqrar ve eminlik müiti olsun dep», Türkiyeniñ siyasiy firqalarını mesüliyetli yanaşmağa çağırdı.
Bunı Erdoğan iyün 8-de ayttı. Onıñ Adalet ve Kalkınma Partisi parlament saylavları neticesinde ükümette çoqluqnı qazanamadı – böyle bir neticeler 13 yıl içinde ilk sefer oldı.
Reylerniñ aman-aman episi sayıldı, Erdoğannıñ ortaqları 41 fayıznı qazandılar, 2011 senesi onıñ siyasiy küçü reylerniñ aman-aman yarısını qazanğan edi.
İlk neticelerge köre, AK Parti 550 yerli parlamentte 258 yerni qazana. Bir firqalı ükümetni şekillendirmek içün oña daa 18 yer lâzim.
Şimdige qadar bir de bir firqa Erdoğannıñ firqası ile koalitsiyağa qoşulmaq istegenini bildirmedi.
Saylavlarnıñ neticelerine köre, Türkiye parlamentiniñ baş kurd firqası da keçti, o, reylerniñ 13 fayızını qazandı.
İlk neticelerge köre, ekinci ve üçünci yerni muhalifet Cumhuriyet Halq firqası (tahminen 25%) ve Halq areketi (16,55) alacaqlar.
Bu neticelerni anayasanı deñiştirip, memlekette prezidentniñ vekâletlerini pekitecek olğan Erdoğan firqasınıñ yeñilmesi dep adlaylar.
