Link açıqlığı

Saatnıñ esas haberi

«Ukrainanı körmege arzu etem»: Qırımda bala resimleri yarışınıñ ğalibini sayladılar


Aqmescitniñ Ukrain medeniyet merkezinde Balalarnı qoruv künü ile bağlı «Kiçik ukrainniñ arzusı» bala resimleri yarışınıñ ğalibini belgilediler.

Merkez esasçıları ve yarış teşkilâtçılarından biri Veldar Şukurciyev bildire ki, yarışnıñ ğalibi «Mriyu pobaçıtı Ukrayinu» (Ukrainanı körmege arzu etem) işi oldı.

Onıñ müellifi «elde nağışlanğan ukrain milliy kölmegini» qazandı.

Teşkilâtçılarnıñ malümatına köre, ekinci yerni «Arzum» işi, ekinci yerni ise «Oyuncı» işi qazandı.

İştirakçilerni diplom, hatıra medalleri ve diger bahşışlar bekley, dep aytalar teşkilâtçılar.

Resimlerni mında baqmaq mümkün.

Qırımda mayıs başında Ukraina vatanaşı olğan bir qaç qırımlı Ukrain medeniyet merkezini qurdılar. Teşkilâtçılarnıñ qayd etkenine köre, merkez siyasetnen oğraşmaycaq. Olar medeniyet, tasil ve tarihqa diqqat ayıracaqlar.

Teşkilâtçılar arasında – Qırımda T.Şevçenkonı añma aktsiyasında ukrain timsallerinden yaqalanğan faaller Leonid Küzmin ve Veldar Şukurciyev.

XS
SM
MD
LG