Ukraina mudafaa naziri Stepan Poltorak bildire ki, Ukraina akimiyeti nezaret etmegen Donetsk ve Lugansk vilâyetlerinde 42,5 biñ boyevik ve Rusiye askeri buluna.
Bunı o Ukraina-NATO parlamentlerara şurasınıñ toplaşuvında iyün 8-de bildirdi.
Nazirniñ aytqanına köre, Ukraina ile sıñır boyu Rusiye 55 biñ askerni ve 3700 dane silâ ve tehnikanı tuta. Poltoraknıñ bildirgenine köre, Donbassta silâ çoq.
«558 tankları bar, olarnıñ arbiy maşinaları, top sistemaları ve diger silâ orta avropalı devletke yeter edi», – dep ayttı nazir.
Onıñ aytqanına köre, işğal etilgen Qırımda da silâ ve tehnikanıñ sayısı bayağı arttı.
Bundan evel Poltorak bildirdi ki, Qırımda Rusiye askerleriniñ sayısı eki qat arta bile.
Ukraina ve Ğarp rusiyeni Donbassta separatistlerge qoltutqanında qabaatlaylar. Moskva bunı red etip, Donbassta rus askerleri olmağanını, amma «göñülliler» bar olğanını bildire.
