Link açıqlığı

İyün 8-de Keriç boğazınla furtuna havfı qalmaqta. Paromlarnıñ işi toqtatıldı.

Bunı OOO «Morskaya direktsiya» bildire.

Berilgen malümatqa köre, keçit areketi iyün 7-de toqtatıldı, yel süratı saniyede 20-23 metrni teşkil etti.

«Qayd etilgen müddette «Kavkaz» ve «Krım» limanlarında yolcu ve naqliyat vastalarınıñ nevbeti olmasın dep, OOO «Morskaya direktsiya» Keriç parom keçiti tarafında ziyaretlerden vazgeçmege rica ete», – dep haber ete müdirlik.

Qırım Rusiye Fevqulâde vaziyetler hızmetiniñ malümatına köre, iyün 8-de Qırımda şimal-şarq yeliniñ süratı bazı yerlerde saniyede 15-20 metrni teşkil etecek.

Qırım.Aqiqat bildirgeni kibi, iyün 7-de qasırğa yeli Aqmescitte tereklerni yıqtı ve pıtaqlarını sındırdı.

Mayıs 27-de Qırımda burçaq ile sağanaq yağdı, Aqmescitte bir kün içinde aylıq yağanaqlar yağdı.

XS
SM
MD
LG