Aqmescitte Ukrain medeniyet merkeziniñ esasçıları Ukraina kinoteatrilerinde çıqqan «Nezlamna» ukrain filmini köstermege planlaştıralar. Bunı merkezniñ faal ve esasçılarından biri Veldar Şukurciyev «Ridna hata» neşirine bildirdi.
«Bizler ukrain kinosı ve zemaneviy rejissörlardan çette qalamaymız. Al-azırda olardan eñ meşur ve halqara mukâfatlarnen taqdirlengen Oleg Sentsov ola, o, bizim semetdeşimiz, qırımlı. Onıñ Qırım medeniyetine de alâqası bar, onıñ tercimeiyalı ve icadı aqqında da laf etmek isteymiz. Yaqın zamanğa planlarımız böyle», – dedi o.
«Nezlamna» – Rusiye ve Ukraina tarafından kerçek adise-vaqialar esasında çıqarılğan tarihiy dramadır. Levha qaraman snayper Lüdmila Pavlüçenko aqqında tarif ete. Film 1937-1957 seneleri olıp keçken adise-vaqialarnı qaplap ala. Yaş olğanını baqmadan (20 yaşında bir qız edi), o, aman-aman 400 faşist işğalcisini öldürdi. O vaqıtları o Beyaz Sarayğa alınğan Sovetler Birliginiñ ilk vatandaşı edi. Bundan ğayrı, Lüdmila Pavlüçenko qadın aqları içün küreşti.
Qırımda mayıs başında Ukraina vatanaşı olğan bir qaç qırımlı Ukrain medeniyet merkezini qurdılar. Teşkilâtçılarnıñ qayd etkenine köre, merkez siyasetnen oğraşmaycaq. Olar medeniyet, tasil ve tarihqa diqqat ayıracaqlar.
Teşkilâtçılar arasında – Qırımda T.Şevçenkonı añma aktsiyasında ukrain timsallerinden yaqalanğan faaller Leonid Küzmin ve Veldar Şukurciyev.
