Türkiye parlamenti saylavlarınıñ ilk neticelerine köre, idare firqası anayasağa deñişmeler kirsetmek imkânlarını coya.
Reylerniñ 80 fayızı sayılğan soñ añlaşıldı ki, Recep Tayip Erdoğannıñ firqası, tahminlerge köre, 270 yer ala bile.
550 yerlik parlamentte bu sayı bayağı yer bere, amma anayasağa deñişmeler kirsetmek içün tam bir çoqluq yoq.
Adalet ve Kalkınma Partisi (AK Parti) prezidentniñ vekâletlerini pekitmek içün anayasanı deñiştirecek ola.
Firqa içün acınıqlı bir şey oldı, kurd firqası minimal olğan 10 fayıznı degil, 11 fayıznı qazandı.
Saylavlar iyün 5-te memlekette HDP Kurdlar firqasınıñ mitinginde olıp keçken patlavdan yüz bergen kerginlik vaziyetinde keçirilmekte, patlav neticesinde 2 kişi elâk oldı ve onlarnen yaralandı.
İyün 7-de baş nazir Ahmet Davutoğlu bildirdi ki, terakt azırlanmasında şeklengen şahıs yaqalandı, lâkin bir de bir tafsilâtlı malümat berilmedi.
