Link açıqlığı

Rusiye prezidenti Vladimir Putin ve onıñ etrafında olğan insanlar Qırım ile bağlı sert muzakerelerge azırlıq köreler. Olar işğal etilgen yarımadadan kete bileler. Aynı vaqıtta, şübesiz, Rusiye Federatsiyası Qırımsız qalacaq. Bunı Qırımtatar Milliy Meclisiniñ reisi, Yuqarı Rada deputatı Refat Çubarov «Apostrof» neşirine bildirdi.

«Eminim, Putin ve onıñ etrafından olğan insanlar Qırım boyunca sert bir muzakerelerge azırlanalar, olar yarımadadan kete bileler, lâkin olar içün yeñilme olmasını istemeyler. Olar yüzüni saqlamağa tırışacaqlar. Qırımnı global halqara munasebetler içün de zemaneviy silâ ile donatalar. Olar bu silânen NATOnıñ aman-aman bütün cenüp qısmını qorquzacaqlar: Türkiye, Romaniya, Bulğaristannı. Silâ meselesinde ekspert degilim, amma arbiy mütehassıslarnıñ bergen malümatına köre, bugünde-bugün Rusiye mezkür devletler içün silâ ceetinden telükeli, olar mudafaasını quvetleştirmege mecburlar», – dep ayttı Refat Çubarov.

2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

Bundan soñra AQŞ ve Avropa Birligi Rusiyege qarşı bir sıra iqtisadiy cezalarnı kirsettiler. Ğarp Qırım Ukraina olğanını ayta.

XS
SM
MD
LG