Link açıqlığı

Saatnıñ esas haberi

Poloniyada ilk sefer Qırımtatar medeniyeti ve sanatı festivali keçirilecek


Poloniyanıñ Gdansk şeerinde iyün 7-de Qırımtatar medeniyeti ve sanatı festivali keçirilecek. Bu aqqında Poloniya Cumhuriyeti Ukraina elçihanesiniñ Facebook saifesinde aytıla, dep haber ete Qırım.Aqiqat.

«Poloniyanıñ tarihında böyle bir festival ilk sefer ötkerile, poloniyalılar qırımtatar halqınıñ medeniyeti ve sanatı ile tanış ola bilecekler», – dep aytıla beyanatta.

Teşkilâtçılarnıñ aytqanına köre, Gdansknıñ şeer bağçasında çadırlar qurulacaq, er bir insan çeşit sanatta özüni sınap baqa bilecek. Qırımdan nağış, çolmekçilik ve quyumcılıq ustaları kelecek. Ziyaretçiler içün ustalar ders keçirecekler.

Belli qırımtatar yırcıları, oyun ve çalğı taqımları, rok-taqımları çıqışta bulunacaqlar.

Tedbirni «Qırım fondu» teşkil etecek. Festival Poloniya Cumhuriyeti Ukraina Elçihanesi ve Poloniya Cumhuriyeti Türkiye Elçihanesinini yolbaşçılığında Qırımtatar Milliy Meclisi ve Gdansk şeeri Oruna rayonınıñ vatandaş teşebbüsleri teşkilâtınıñ qoltutuvı ile keçirilecektir.

XS
SM
MD
LG