Link açıqlığı

İyün 4-te FSB (Federal havfsızlıq hızmeti) binası yanında 12 insannı yaqalağan uquq qoruyıcılarnıñ areketleri qanunsızdır, – dep bildirdi adliyeci Emil Kürbedinov Qırım.Aqiqat mühbirine. Onıñ aytqanına köre, qırımlılar şikâyet etecekler.

«Bizler Qırım boyunca İçki işler nazirliginde bu areketlerden şikâyet etmege tırışacaqmız ve, belki de, Taqiqat komitetine ariza berip, bu şahıslar, yani uquq qoruyıcı organlarnıñ vekilleri yapqan areketlerinde vazifeden tış areketler kibi memuriy ya da cinaiy cinayet barmı teşkermesini isteycekmiz», – dep ayttı Kürbedinov.

Qırım.Aqiqat bildirgeni kibi, iyün 4-te Qırımda Aqmescitniñ Franko soqağındaki Rusiye FSB binasınıñ idaresi yanında iyün 4-te saba Mamaq (Stroganovka) köyünde yaqalañag Riza İzetovğa qoltutmağa kelgen 12 insannı yaqaladılar.

Olarnı memuriy protokollarnı tizmeyip yiberdiler, amma bundan evel olarnı para cezası bekley kibi malümat berilgen edi.

XS
SM
MD
LG