Link açıqlığı

Herson vilâyetinde yerli meclisler azalarınıñ saylavlarına azırlanalar. Bunı Herson regional Meclisiniñ reisi Asan Aliyev Qırım.Aqiqat mühbirine bildirdi.

Saylav komissiyaları şekillendirildi. Avgust 16-da saylavlar keçirilecek, 10 künden soñ ise saylanğan yerli meclislerniñ azaları konferentsiyanı keçirip, regional Meclisniñ erkânını gizli şekilde saylaycaqlar.

«Aynecilik olmaycaq. Temiz, demokratik saylavlar olacaq. Adamlar temsil etilmeleri içün rey bermelerini isteymiz. Qırım işğalinden sebep bütün diqqat bizde», – dep qayd etti Aliyev.

Onıñ bildirgenine köre, insanlar cedvelge alındı, saylav cedvelleri tizildi. Qırımtatarlar ve olarnıñ qoranta azaları rey bere bileler.

Ukraina qırımtatar milliy idare organlarınıñ saylavlarına para bermey.

Qırım.Aqiqat bildirgeni kibi, 2015 senesi avgust 16-da Herson vilâyetinde qırımtatar halqı yerli meclisleriniñ saylavlarını keçirmek qararını Qırımtatar Milliy Meclisi qabul etti.

XS
SM
MD
LG