Link açıqlığı

«Poklonskaya cedveli»niñ iştirakçilerini ayırım bekley – Smedlâyev


Qırımda Yevromaydannıñ teşkil etilmesi sebebinden mesüliуetke çekile bilecek insanlarnıñ cedveli qanunsızdır, iştirakçilerni ayırım bekley.

Bu kibi fikirni Qırım.Aqiqatqa matbuat vastalarında aşkâr etilgen «Poklonskaya cedveli»niñ bir sıra iştirakçisi bildirdi.

«Şidmi olğan adiseler iç bir uquqiy qaidelerge boysunmay. Ne Maydan adiseleriniñ taqiqatı, ne mayıs 3, fevral 26 künleri vaqialarınıñ taqiqatınıñ iç bir uquqiy negizi yoqtır. Şunıñ içün bugün uquq qoruyıcılar qanun tarafında turacağı aqqında aytmağa kerekmey. Aksine, qanunsızlıq tarafını alırlar», – dedi Qırımtatar milliy Qurultayınıñ Merkeziy saylav komissiya reisi Zair Smedlâyev. Onıñ özü de işbu cevdelge kire.

Cedvelde narazılıq numayışlarnıñ iştirakçisi ve «muhalifetke qol tutqan» insan olaraq qayd etilgen Qırımtatar Milliy Meclis azası, temsiliy organnıñ tış alâqa bölüginiñ reberi Ali Hamzinniñ fikrine köre, bu kibi cedvellerniñ bar olması – Qırımda 2014 senesi fevral 26 künü Qırım parlamenti binası yanında keçken mitingde iştirak etken qırımtatarlarnıñ qanunsız sürette taqip etilgeninden soñ Rusiye prokuraturası ve FSB tarafından beklenilgen bir arekettir».

«İşbu cedveller – FSB ve Qırımda Rusiye prokuraturasınıñ uquqiy ameliyatında bozuluvlarnıñ açıq misalidir», – dedi Hamzin.

Bir qaç kün evelsi Qırımnıñ Rusiye prokurorı Natalya Poklonskaya Qırımda Yevromaydan iştirakçilerini toplap, olarnı Kiyevge yollağan bütün komandanlarnıñ adları belgilengeni aqqında bildirgen edi.

XS
SM
MD
LG