Ukraina prezidenti Petro Poroşenko iyün 5 künü Ukraina Yuqarı Şurası deputatlarına er yıllıq muracaatı çerçivesinde Qırımnı añdı.
Şu cümleden, kene şunı qayd etti ki, Ukraina Rusiye tarafından işğal etilgen Qırım üzerinde nezaretini qaytarmaq içün bütün zaruriy areketlerni eter, haber ete Qırım.Aqiqat.
Poroşenkonıñ Qırımnıñ qaytarıluvı aqta ilk vadesi degil. Mayıs 18 künü qırımtatarlarnıñ sürgünligi yıllığında da bunı aytqan edi. Kiуеvde keçirilgen hatıra aqşamında o, Qırım Ukrainanıñ ayırılmaz qısmı olğanı aqta aytqan edi.
2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.
2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.
Bundan soñra AQŞ ve Avropa Birligi Rusiyege qarşı bir sıra iqtisadiy cezalarnı kirsettiler. Ğarp Qırım Ukraina olğanını ayta.
