Link açıqlığı

Donetsk ve qırımtatar ressamları futbolkalar içün «Qırım – Ukrainadır» yazılarını azırladı


Ukrain dizayner ve ressamları yazdа «Qırım – Ukrainadır» yazılı futbolkalarnı kiyip yürmek kibi teklifke seslendi ve öz resimlerini işlep çıqardılar

Ukraina Haber siyaseti Naziriniñ keñeşçisi Sergey Kostınskıy aytqanı kibi, teşebbüske birinci seslengen Donetsk dizayneri işlerinde Qırımğa ait olğan deñiz mevzusı oldı.

Daa bir resimni qırımtatar ressamı meydanğa ketirdi. «Mında adetiy ukrain ve qırımtatar örnekleri birleştirilgen», – yazdı Kostınskıy Facebookta ve qullanıcıarğa resimlerni yüklep, futbolkalarğa basmağa teklifi ile buyuırdı

Kostınskıy bu kibi yazılı futbolkalarnı yaz mevsimi arfesinde kiymege teklif etti.

2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

Bundan soñra AQŞ ve Avropa Birligi Rusiyege qarşı bir sıra iqtisadiy cezalarnı kirsettiler. Ğarp Qırım Ukraina olğanını ayta.

XS
SM
MD
LG