Qırımnıñ Rusiye Devlet şurasınıñ nevbetten tış toplaşuvında, iyün 5 künü, kurort ve turizm naziri Sergey Strelbitskiyni tayinlep, Yelena Yürçenkonı işbu vazifeden boşattılar, haber ete Qırım.Aqiqat.
Qırım Rusiye başı Sergey Aksönovnıñ tarafından teklif etilgen Strelbitskiy namzetine sessiyada olğan 65 deputattan 64 qol tuttı.
«Turizm saasında iş tecribem bar, devlet hızmetinde, beş yıldan ziyade ticaret ile oğraştım, turizm ile bağlı ticaretnen», – dedi Strelbitskiy minberden.
Soñ yılları Aksönovnıñ keñeşçisi edi. Bundan evel Kezlev şeer başı muavini ve Lviv vilâyet devlet memuriyetiniñ halqara işbirlik ve turizm deparamentiniñ müdiri edi.
Yürçenko Rusiye tarafından Qırım işğal etilgeninden soñ, 2014 senesi mart ayından Kırım Kurort Nazirliginiñ başı edi.
Yürçenkonıñ istifası aqqında malümatnı bu afta Qırım Devlet şurasınıñ başı Vladimir Konstantinov bildirdi, amma Yürçenko bu bildirüvni red etti.
