Link açıqlığı

İnterpol ukrain bürosınıñ sabıq yolbaşçısı: Rusiyeniñ Çubarovnı halqara qıdıruvğa ilân etmek imkânı yoq


Refat Çubarov

Ukraina İnterpolı Milliy merkeziy bürosınıñ sabıq yolbaşçısı Kirill Kulikovnıñ bildirgenine köre, Rusiye Qırımtatar Milliy Meclisiniñ reisi Refat Çubarovnı halqara qıdıruvğa ilân etemez.

Bunı o Qırım.Aqiqatqa bildirdi.

«İnterpolnıñ baş kâtibiyeti işbu cinaiy taqipni siyasiy olğanını añlaycaq. Şu sebepten Çubarovnıñ halqara qıdıruvı ile bağlı sualler yoq. Onıñ içün yekâne problem alanı – Rusiye Federatsiyasıdır», – dedi Kulikov.

Onıñ aytqanına köre, İnterpol faaliyetiniñ esaslarına köre, Çubarov Rusiyeniñ siyasiy ortaqları olğan memleketlerde bile yaqalanamaz.

Qırımnıñ Rusiye prokuraturası Qırımtatar Milliy Meclisiniñ reisi Refat Çubarovğa qarşı cinaiy iş açıp, onı halqara qıdıruvğa ilân etecegini bildire. İyün 3-te Çubarov onı Aqmescitniñ Kiyev rayon mahkemesine çağırğanlarını Facebook saifesinde bildirdi.

2014 senesi Çubarovğa Rusiye ve işğal etilgen Qırımğa kirişi yasaq etildi.

XS
SM
MD
LG