Link açıqlığı

Saatnıñ esas haberi

Ümerov: Qırım akimiyeti qırımtatarlar olğanımızdan bizden nefret ete


İlmi Ümerov
İlmi Ümerov

Qırımtatar Milliy Meclisiniñ reis muavini İlmi Ümerov Aqmescit akimiyetiniñ Qırımtatar bayraq kününi keçirmek yasağını tsinizm dep saya. Ümerovnıñ qayd etkenine köre, böyle bir qarar tahmin etilgen edi.

«İzaatlar bermek istemeyim, yalıñız şunı ayta bilem: şimdiki akimiyet qırımtatarlar olğanımızdan bizden nefret ete... Bu tsinizm... Bu ırqçılıqtır... Lâkin, bu da keçer...», – dep yazdı o Facebookta.

Aqmescit şeeriniñ memuriyeti teşkilâtçılarğa Qırımtatar bayraq kününi qayd etilgen yerde keçirmege izin bermedi.

Cevapta aytıla ki, «bu yerde ve diger yerlerde tedbirlerniñ keçirilmesi imkânsız, çünki diger qırımtatar teşkilâtı aynı yerde ve aynı saatte tedbir keçirmege planlaştırğanını bildirgen edi».

Faal qırımtatar gençlerinden ibaret olğan teşkiliy komitet Aqmescit memuriyetine tekrar ariza berip, iyün 27-de Borçoqraq mikrorayonında Qırımtatar bayraq kününi keçirmek ruhsetini almaq istey.

XS
SM
MD
LG