Link açıqlığı

Aqmescit akimiyetinden Qırımtatar bayraq kününi keçirmek iznini tekrar alacaq olalar


Kiyevde flash mob, 2015 senesi iyün 3 künü

Faal qırımtatar gençlerinden ibaret olğan teşkiliy komitet Aqmescit memuriyetine tekrar ariza berip, iyün 27-de Borçoqraq mikrorayonında Qırımtatar bayraq kününi keçirmek ruhsetini almaq istey.

Bunı Qırımtatar Milliy Meclisiniñ matbuat hızmeti bildire.

Aqmescit şeeriniñ memuriyeti teşkilâtçılarğa Qırımtatar bayraq kününi qayd etilgen yerde keçirmege izin bermedi.

Cevapta aytıla ki, «bu yerde ve diger yerlerde tedbirlerniñ keçirilmesi imkânsız, çünki diger qırımtatar teşkilâtı aynı yerde ve aynı saatte tedbir keçirmege planlaştırğanını bildirgen edi».

Şeer memuriyeti Qırımtatar milliy bayraq kününiñ keçirilmesi içün diger yerni teklif etip olamağanını bildirdi.

Qırımtatar Milliy Meclisine mayıs 18 Bütün Qırım matem mitingini de aynı sebepten keçirmege izin bermegen ediler.

Teşkilâtçılar bir sıra tedbirni keçirecek ediler – fotoresimler yarışı, bala resimleri yarışı, küreş, kvest.

Kiyevde iyün 3-te flash mob başladı. Onıñ maqsadı – qırımtatar bayrağını Ukraina şeerlerinden alıp ketip, qırımlılarğa birdemlik timsali olaraq bermektir.

Qırımtatar bayrağı kök tamğalı bayraqtır. Qırımtatar bayraq künü 2009 senesi tesis etilgen edi.

XS
SM
MD
LG