Qırımtatar milliy areketiniñ faali, Qırımtatar Milliy Qurultayı Merkeziy saylav komissiyasınıñ reisi Zair Smedlâyev iyün 4-te Aqmescit civarında daa bir qırımtatarınıñ yaqalanması aqqında bildire.
«Belgisiz silâlı adamlar Aqmescit rayonınıñ Mamaq (Stroganovka) köyünde 36 yaşında İzetov Rizanı yaqaladılar. Ne sebepten apiske alalar sualine belgisiz şahıslar mahkeme qararı bar olğanın ayttılar, lâkin ne tuvğanları, ne de yaqınlarına bir de bir vesiqalar berilmedi! Böyle etip Qırımda daa bir kere qırımtatarlarnıñ aq-uquqları bozulmay», – dep yazdı o Facebookta.
İçtimaiy ağlarda vaqianıñ videosı da bar.
Qırım uquq qoruyıcılarınıñ resmiy izaatları daa yoq. Ukraina Tış işler nazirligi Birleşken Milletler Teşkilâtını Qırımda insan aqlarınıñ bozulmasını tam bir şekilde qayd etmege çağırdı. Qırımnıñ Rusiye akimiyeti insan aqlarınıñ bozulmasını red ete. Bu künleri Rusiye Tış işler nazirligi qırımtatar meselesini siyaset ile bağlamamağa çağırdı.
