Link açıqlığı

Saatnıñ esas haberi

Aqmescit akimiyeti Qırımtatar milliy bayraq Kününi qayd etmege ruhset bermedi


Qırım akimiyeti iyün 26 kününe Yağmurça (Fontanı) qasabasında keçirilmesi planlaştırılğan Qırımtatar milliy bayraq Kününi azırlağan teşkiliy komitetke ruhsetni bermedi. Bunı iyün 3 künü teşkilâtçılardan biri Asan Emir-Sale bildirdi, haber ete Qırım.Aqiqat.

Aqmescit memuriyeti apparatınıñ yolbaşçısı Aleksandrova aytqanı kibi, red etüvniñ sebebi – bundan evel başqa teşkilâtnıñ tarafından berilgen bildirüvdir. Bu aqta cemaatçılarğa berilgen resmiy vesiqada yazıla.

«İyün 26 künü Yağmurça qasabasında medeniy-eglenceli şekilde «Qırımtatar milliy bayraq Kününi» keçirmek içün teşkiliy komitet tarafından berilgen arizağa şeer memuriyetinden red cevabı keldi. Cevapta şöyle yazılğan: «imkânsız, çünki bu yer ve bu saatte diger cemaat teşkilâtı tarafından keçirilecek tedbirler aqqında bildirüv endi bardır»«, – dey Asan Emir-Sale.

Teşkiliy komitetke qırımtatar cemaat teşkilâtları ve teşebbüs gruppaları kire.

Qırımda iyün 26-da Milliy bayraq Kününe bağışlanğan tedbirlerni keçirmege planlaştıra ediler. Bayraq Kününe bir sıra tedbirlerniñ keçirilmesi beklenile edi, olarnıñ arasında – foto yarışı, bala resimleri yarışı, küreş, kvest ve ilâhre. Tedbirniñ soñunda iftarnıñ keçirilmesi beklenile edi.

Bu sene Bayraq Künü muqaddes Ramazan ayına kele, şunıñ içün kontsert programması da biraz farqlı olmaq kerek edi, ilâhilerniñ icra etilmesi planlaştırıla edi eken.

Qırım.Aqiqat bildirgeni kibi, 2014 senesi Milliy bayraq Kününe tedbirler Aqmescit ve Kiyevde keçirilgen edi.

Qırımtatarlarnıñ bayrağı – üstünde altın tamğa tasvir etilgen kök tüsündeki keten bezi. Qırımtatar bayraq Künü 2009 senesi tesis etildi.

Şimdi teşkilâtçılar mütenasip bildirüvni şeer memuriyetine bermek niyetindeler.

XS
SM
MD
LG