Kiyevde iyün 3 künü flash mob keçirildi, maqsadı – Ukraina şeerlerinden qırımtatar bayrağını keçirmek ve, birdemlikni kösterip, onı qırımlılarğa qaytarmaq, haber ete Qırım.Aqiqat.
Faaller Mustaqillik Meydanında toplanıp, aktsiyanıñ diger iştirakçileri içün video muracaatını yazdılar. Yaşlar bayraqta hatıra yazuvlarını qaldırıp, onı nevbetteki şeer – Lvivge yolladılar.
«Maqsadımız – Ukraina yekâne olğanını köstermek, Qırımnı ve Qırımda qalıp, zor vaziyette yaşağan vatandaşlarımıznı unutmaymız ve olarğa bir yahşılıq etmege isteymiz», – dep tarif etti flash mob teşkilâtçısı Fevzi Abkadırov.
Onıñ sözlerine köre, iyün 5 künü qırımtatar bayrağını Lutsk alır, soñra – Çernovtsı, Vinnitsa ve Çerkassı, umumen aktsiyada 14 şeerniñ iştiraki planlaştırıla.
Flash mob qırımtatarlarnıñ sürgünligi 71 yıllığına bağışlanğan «Epimiz – qırımtatarmız» aktsiyasınıñ devamı oldı.
Qırım.Aqiqat bildirgeni kibi, iyün 26-da Qırımda Qırımtarar bayraq künü ile bağlı tedbirlerniñ keçirilmesi planlaştırıla. Gençler teşkilâtları ve teşebbüs gruppalarınıñ vekillerinden ibaret olğan komitet bayramnı teşkil etecek.
Qırımtatarlarnıñ bayrağı kök tamğalı bayraqtır. Qırımtatar bayraq künü 2009 senesi tesis etilgen edi
