Link açıqlığı

Saatnıñ esas haberi

Youtube Ramzan Kadırov aqqında «Qoranta» filmini blok etti


«Otkrıtaya Rossiya» («Açıq Rusiye») cemaat teşkilâtı azırlağan Ramzan Kadırov aqqında «Qoranta» filmi Youtube ağında vaqtınca blok etildi, çünki müellif aqları bozulğanına şikâyet etildi.

Teşkilâtnıñ malümatına köre, OOO «T&K Prodakşn» saibi İlyas Sınbulatov şikâyet etti. Vesiqada müellifniñ aqları ne yerde bozula aytılmay.

«Otkrıtaya Rossiya» filmniñ blok etilmesine narazılıq bildire. Mihail Hodorkovskiyniñ cemaat areketinde bildireler ki, filmde olğan malümatlar qanunğa köre alındı, olarnıñ müellifleri ise qayd etildi.

«Otkrıtaya Rossiya» teşkilâtınıñ «Qoranta» filmi mayıs 25-te çıqtı. Levhada Çeçenistan akimiyeti, Rusiyeniñ federal akimiyetinde cumhuriyet yolbaşçısınıñ yeri, Ramzan Kadırov qurğan quvet teşkilâtları, em de yaqalanğanlarnıñ azapları ve qaçırılması aqqında aytıla.

Leyhanıñ malümatına köre, Youtube ağında Kadırov aqqında filmni 900 biñ kere seyir ettiler.

XS
SM
MD
LG