Link açıqlığı

Kiyevde iyün 3-te Qırımtatar bayraq kününe bağışlanğan flash mob başlanacaq, onı Ukrainanıñ farqlı şeerlerinde keçirecekler, soñki noqtası ise Qırım olacaq.

Bunı Qırımtatar yaşlar merkezi bildire.

Teşkilâtçılarnıñ malümatına köre, bayraq Kiyevdeki Mustaqillik Meydanından ziyaretini başlap, Ukrainanıñ 14 şeerini keçecek. Teşkilât angi şeerler aqqında laf ketkenini aytmay, bunı fotoresim esabatı vastasınen bildirmege planlaştıra.

«Flash mobta Ukrainanıñ bütün regionları iştirak etecek. Soñra bayraq vatan Qırımğa, qıyın vaziyette qalğan qardaşlarımızğa qaytacaq», – dep aytıla teşkilâtçılarnıñ haberinde.

Flash mob Kiyevde çarşenbe künü saat 11:30-da başlaycaq, er kes davet etile.

Qırım.Aqiqat bildirgeni kibi, iyün 26-da Qırımda Qırımtarar bayraq künü ile bağlı tedbirlerniñ keçirilmesi planlaştırıla. Gençler teşkilâtları ve teşebbüs gruppalarınıñ vekillerinden ibaret olğan komitet bayramnı teşkil etecek. Bir sıra tedbir keçirilmesi planlaştırıla, olarnıñ arasında – fotoresimler yarışı, bala resimleri yarışı, küreş, kvest. Tedbirni iftar ile yekünlemege planlaştırıla.

2014 senesi Qırımtatar bayraq kününi Aqmescit ve Kiyevde qayd etken ediler.

Qırımtatarlarnıñ bayrağı kök tamğalı bayraqtır. Qırımtatar bayraq künü 2009 senesi tesis etilgen edi.

XS
SM
MD
LG