Link açıqlığı

Mustafa Cemilev: bizni Bişkek ava limanında Rusiye emri ile yaqaladılar


Ukraina Yuqarı Radasınıñ deputatı, qırımtatar halqınıñ milliy lideri Mustafa Cemilev Kırgızistan paytahtı Bişkek ava limanında olıp keçken vaqianı Rusiyeniñ avalesi ile añlattı.

«Bir de bir añlaşmazlıq olmadı. Bizim elde etken malümatımızğa köre, Moskvalı büyük ağanıñ emri oldı. Bunıñ maqsadı ne olğanını añladım. Belki de, mında olar baş olğanını, Moskva tesiriniñ zonası olğanını köstermek istediler. Daa baqacam», – dep ayttı Cemilev salı künü, iyün 2-de, Bişkekte Radio Svoboda jurnalistine.

Qırım.Aqiqat saytı bildirgeni kibi, iyün 2-de gece Ukraina Yuqarı Radasınıñ deputatı, qırımtatar halqınıñ milliy lideri Mustafa Cemilev mesleatçısı, Qırımtatar Milliy Qurultayınıñ delegatı Rustem Ümerov ile beraber Bişkekke konferentsiyağa Dubaydan keldiler. Ekisiniñ de pasportlarını aldılar.

Mustafa Cemilev haber agentligine bergen malümatına köre, olarnı azat ettiler, ve olar musafirhanege yol aldılar.

Cemilevniñ aytqanına köre, o, uquq qoruyıcılarğa ziyaretniñ maqsadı aqqında bildirdi – halqara konferentsiyada iştirak etmek, em de Rusiyege kirişi 5 yılğa qadar yasaq etilgenini ayttı.

Ukraina prezidentiniñ qırımtatar halqı işlerinden vekâletlisi Mustafa Cemilevniñ matbuat hızmeti bildire ki, Ukraina Tış işler nazirliginiñ vekilleri bergen malümatına köre, Kırgızistan tarafı Bişkek ava limanında olıp keçken vaqia içün Ukrainadan afu soradı.

XS
SM
MD
LG