Kiyevde «Ukrainada ХХ – ХХI asırlar başında teşviqat ve kütleviy öldürüvler» açıq halqara seminarı keçe. «Іstoriçna pravda» bildirgeni kibi, seminarnıñ dörtünci sessiyasınıñ mevzusı – «Qırımtatar medeniyetiniñ yoq etüvi meselesinde halqqa «satqın» lağabınıñ taqılması».
Maruzacılar arasında: Gülnara Bekirova (qırımtatarlar halqınıñ genotsidini ögrengen Qurultaynıñ mahsus komissiyası, Ukraina) ve Qırımtatar Milliy Meclis reisi, Ukraina Yuqarı Şurasınıñ deputatı Refat Çubarov.
Seminarda muzakere etilecek mevzular: «Rafail Lemkin – «genotsid» ıstılasınıñ ve dünya tarihında ilk milliy nefretni meydanğa ketirüvine qarşı qanunnıñ müellifi»; «Golodomor arfesinde «kulak» ve «petlürovets» obrazlarınıñ peyda olması» ve «Holokost aleti olaraq «yeudi obrazınıñ» demоnizatsiya ve degumanizatsiyası».
Teşkilâtçılarnıñ aytqanı kibi, tedbir «Totalitar keçmişni añlap – demokratik kelecekni qoruymız» şiarı altında keçe. Seminarnı «Ukrain-yeudi körüşüvi» keçire. Seminar Kiyev ve Lvivde iyün 2 ve 3 künleri keçe.
