Link açıqlığı

Mahkemeci olmağanlarnıñ qararı: Hayser Cemilev maqsatlı öldürüvde qabaatlı degil,– advokat


İyün 2 künü Krasnodar mahkemesinde mahkemeci olmağanlar maqsatlı öldürüvde qabaatlanğan Hayser Cemilevni aqladılar. Bunı twitterde Hayser Cemilevniñ adliyecisi Nikolay Polozov bildirdi.

«Demek, imayem altında bulunğan Hayser Cemilevni bir ağızdan ağladılar», – dedi o.

Onıñ sözlerine köre, mahkemeci olmağanlar Cemilevni silâ emaneti ve muqaytsızlıqtan yapılğan öldürüvde qabaatlı olaraq tanıdılar.

«Mahkemeci olmağanlar ukrain mahkemesiniñ qarırına aman-aman teñ kelgen bir ükümni çıqardılar», – dedi advokat.

Nikolay Polozov şunı da qoştı ki, cumaaqşamı künü ükümniñ muzakeresinden soñ mahkemeci soñ qararını çıqaracaqtır.

Hayser Cemilevni 2013 senesi mayıs 27-de onıñ Bağçasaraydaki evinde yaqaladılar. Anda 44 yaşında Fevzi Edemov öldürilgen edi. Militsiya Cinaiy kodeksniñ 115-inci maddesiniñ 1-inci qısmı boyunca (planlaştırılğan öldürüv) cinaiy iş açtı. Aqmescitniñ Kiyev rayon mahkemesi Hayser Cemilevni apiske aldı.

Qırım işğalinden soñ taqiqat organları bu işni ğayrıdan taqiq etmege qarar berdiler. Hayserni Qırım SİZOsından Krasnodar ülkesine alıp kettiler. Hayser Cemilev qabaatını tanımay. Adliyecisi öldürüv diqqasızlıqtan sebep olğanını bildire.

Kiyevniñ Apellâtsion mahkemesi ise Hayser diqqatsızlıqtan cinayet yaptı qararına kelip, onı azat etmege qarar aldı. İnsan aqları Avropa mahkemesi de Hayser Cemilevniñ azat etilmesi aqqında qararnı qabul etti. Lâkin Rusiye onı yerine ketirmey.

XS
SM
MD
LG