Krasnodar mahkemesinde iyün 2 künü öldürüvde qabaatlanğan kence Cemilevge üküm çıqarmaq kerekler. Mahkemeci olmağanlar bir saat evelsi muşavere odasına çıqqanlar.
Bunı Hayser Cemilevniñ advokatı Nikolay Polozov bildire.
«Endi bir buçuq saatten ziyade mahkemeci olmağanlar muşavere odasında Hayser Cemilevniñ ükmüni muzakere eteler», – yazdı o tvitterde.
Hayser Cemilevni 2013 senesi mayıs 27-de onıñ Bağçasaraydaki evinde yaqaladılar. Anda 44 yaşında Fevzi Edemov öldürilgen edi. Militsiya Cinaiy kodeksniñ 115-inci maddesiniñ 1-inci qısmı boyunca (planlaştırılğan öldürüv) cinaiy iş açtı. Aqmescitniñ Kiyev rayon mahkemesi Hayser Cemilevni apiske aldı.
Qırım işğalinden soñ taqiqat organları bu işni ğayrıdan taqiq etmege qarar berdiler. Hayserni Qırım SİZOsından Krasnodar ülkesine alıp kettiler. Hayser Cemilev qabaatını tanımay. Adliyecisi öldürüv diqqasızlıqtan sebep olğanını bildire.
Kiyevniñ Apellâtsion mahkemesi ise Hayser diqqatsızlıqtan cinayet yaptı qararına kelip, onı azat etmege qarar aldı. İnsan aqları Avropa mahkemesi de Hayser Cemilevniñ azat etilmesi aqqında qararnı qabul etti. Lâkin Rusiye onı yerine ketirmey.
