Qırımda millet mensüpligi boyunca sürgün olunğan vatandaş statusını tasdıqlağan vesiqalar berilmesi ile bağlı problemler bar, bazı memurlar vesiqalarnı yıl devamında baqalar, dep ayttı Qırımnıñ Rusiye ükümetiniñ baş nazir muavini Larisa Opanasüv mayıs 2-de Qırımnıñ Nazirler şurası toplaşuvında, dep haber ete Qırım.Aqiqat.
«Bunı aytmaq kerek, sürgünlik vesiqasını alamağanlarını aytmaq kerek. Adamlar bütün vesiqalarnı teslim etkenini yazalar, misal olaraq, Aqmescit rayonında daa 2014 senesi iyün ayında berdiler, lâkin alâ daa vesiqanı alamadılar. Bütün vesiqalar uzun baqıla», – dep ayttı Opanasük.
Qırımnıñ Rusiye yolbaşçısı Sergey Aksönov vatanına qaytqanlarnıñ «başını kim aylandıra» ögrenmege avale etti.
Keçken sene iyün ayında Qırımnıñ Rusiye ükümeti bunıñ kibi arizalarnı qabul etmege başladı. O vaqıt berilgen malümatqa köre, vesiqalar 3 aydan soñ berilmeli.
