Kiyev – Ukrainağa qoltutqan qırımlılar olarnıñ memleketniñ qıtaiy qısmında olarnı unutmağanlarını eşitmek ihtiyacları bar, dep ayta ediler. İşğal etilgen yarımadada insan aqları bozula, söz serbestligi yoq etile ve azlıqlarnıñ aq-uquqları sıñırlana, olar ise qoltutuvğa muhtaclar.
Qırım.Aqiqat saytı muracaatlarnı toplay – memleket kene bir olacağına inanğan meşur ve pek meşur olmağan insanlar qırımlılarğa qoltutqanlarını bildireler.
Ukrain jurnalisti, «Ukrainskaya pravda» internet neşiriniñ baş muarriri Sevgil Musayeva semetdeşlerine qoltutıp, tezden bu adiselerni müthiş bir tüş kibi hatırlaycaqlarına inanğanını ayttı.
– Qıymetli semetdeşlerim, qıymetli qırımlılar! Bilem, şimdi zor vaziyettesiñiz, men de zor aldam: Qırımda olğanlarnı körmek pey qıyın.
İnsan aqlarınıñ bozulmasını bilemiz, Ukrainağa qoltutqan adamlarğa anda yaşamaq ne qadar qıyın olğanını bilemiz.
Asretlik, keder, bir yıldan ziyade keçti. Bu adiselerge inanmaq ve qıymet kesmek alâ daa pek qıyın: 21-inci asırda işğal.
Al-azırda siziñ içün printsipleriñiz, Vatanğa sadıq qalmaq ne qadar qıyın olğanını añlayım. Qırım içün böyle bir kelecekni iç bir vaqıt tasavvur etmegen edim ve o deşetli martnıñ olmasını istemez edim.
İnsan olıp qalmağa tilemek isteyim. Bir yıldan soñ bunı müthiş bir tüş kibi hatırlamamıznı ister edim, printsipler azatlıq, amanlıq ve bazıda, belki de, ömürge teñ kelgen vaziyette yaşaysıñız, şunıñ içün cesür ve sabırlı oluñız.
Geceniñ eñ qaranlıq saati – tañdan evel. Erte ya da keç, faqat tañ ata. O, bizim içün, memleketimiz içün, Qırım içün atacağına inanam. Epimiz büyük bir aile olacaqmız
Ukraina akimiyetiniñ areketsizligi içün afu soramaq ister edim. Qıtaiy Ukraina ile demir yol alâqalarınıñ olmamasına yazıq. Bir sıra problem, bir sıra qıyınlıq. Amma, eminim, olğan qıyınlıqlar hulâsa çıqarmamız içün berille. Er bir insan dayana bilecek qıyınlıqlarğa rastkele.
Aytalar ki, geceniñ eñ qaranlıq saati – tañdan evel. Erte ya da keç, faqat tañ ata. O, bizim içün, memleketimiz içün, Qırım içün atacağına inanam. Epimiz büyük bir aile olacaqmız. Bu vaziyetten doğru hulâsalar çıqarıp, ileride bunıñ kibi şeylerge yol bermeycekmiz.
