Link açıqlığı

Rusiye tarafından işğal etilgen Qırımda qırımtatarca ve ukraince bastırılğan kitaplarnı yoq eteler. Bunı Hersonda qırımtatar tili kurslarınıñ açılışında filolog, oca, kurslarnıñ reberi Vesilâ İbragimova Qırım.Aqiqat mühbirine bildirdi.

«Qırımnıñ şimdiki vaziyeti – Putinge ne qadar inanmaq mümkün olğanınıñ isbatı. Keçken sene mart ayında o Qırımda üç til olacağını aytqan edi: rus, ukrain ve qırımtatar. Lâkin şimdi ukrain ve qırımtatar tillerini agressiv şekilde çetke çekeler: yañı kitaplar basılmay, kütüphanelerde olğan kitaplar ise farqlı sebeplerden yoq etile, bilgenim kibi. Qırımda yalıñız rusça qalsın dep, er şey yapıla», – dep ayttı filolog.

Onıñ bildirgenine köre, qırımtatar tili boyunca ders ve usul edebiyatı az.

«Edebiyat Qırımdan ketirile. O, maalesef, az. Ümüt etem ki, kitaplarnı qıtağa çıqarmaq imkânımız olur, çünki Qırımda qırımtatar tili muntazam sürette ögrenilmey», – dep ayta Vesilâ İbragimova.

Qırım.Aqiqat bildirgeni kibi, Oles Gonçar adına Herson vilâyetiniñ universal ilmiy kütüphanede bedava qırımtatar tili kursları açıldı, er kes qoşula bile.

XS
SM
MD
LG